Kombatí plamamentu di vírùs
Virus Aware Seal
E Virus Aware Seal ta un añadishon na e Sertifikashon Blue Destination i ta enfoká riba salú i siguridat. E Virus Aware Seal por yuda bo implementá e medidanan korekto i engrandesé konsiensia rònt di plamamentu di vírùs.
KIKO TA VIRUS AWARE SEAL
E kriterionan
Aktualmente no tin medida ku ta aktivo kontra plamamentu di e vírùs di Covid-19 na Boneiru. Pero, Covid-19 òf otro vírùsnan pa hopi tempu ainda lo sigui hunga un ròl den nos komunidat. Si bo por proba ku bo empresa ta hasi tur loke ta posibel pa tene kuenta ku salú i siguridat, esaki por trese trankilidat serka bo personal i bo klientenan. E Virus Aware Seal ta un añadishon sin kompromiso na e Sertifikashon Blue Destination. E Seal por yuda bo pa implementá e medidanan korekto i pa engrandesé konsientisashon.
E Virus Aware Seal ta konsistí di kriterionan práktiko ku ta alkansabel pa empresa chikitu tambe. Regularmente ta adaptá e lista di kriterio pa kumpli ku e rekomendashonnan di World Health Organization (WHO). Na e momentu ku no tin vírùs aktivo, e kriterionan ta mas fleksibel ku na momentu ku tin kestion di menasa òf brote di un vírùs.
Registrá bo empresa
Registrá bo empresa òf organisashon direktamente akinan pa e Sertifikashon Blue Destination (i e Virus Aware Seal). Despues di bo registrashon Kámara di Komèrsio mas rápido posibel ta tuma kontakto ku bo.
E Virus Aware Seal ta indiká entre otro ku:
- • Bo empresa ta kumpli ku tur regulashon ku gobièrnu lokal ta imponé.
- • Bishitantenan ta aseptá nan propio responsabilidat, nan ta atento i nan ta sigui e instrukshonnan di bo empresa.
- • Bo personal a risibí informashon i preparashon. E empleadonan ku bo a apuntá pa esaki, mesora ta atendé ku posibel problemanan.
- • Bo karchi di skor ta mustra kua ta e medidanan i protokòlnan ku bo tin pa mitigá riesgo di transmishon di vírùs.
Tres nivel
Dentro di e Virus Aware Seal ta hasi distinshon entre tres nivel. Na tur e tres nivelnan mester kumpli ku e eksigensianan básiko. Banda di esei, pa e di tres nivel, Virus-Aware Certified, mester kumpli tambe ku por lo ménos mitar di e eksigensianan opshonal.
E diferensia mas importante entre e nivelnan ta keda den e manera ku ta kontrolá e informashon ku bo a entregá. Meskos ku ta e kaso ku e Sertifikashon Blue Destination, bo ta raportá via un plataforma online. Pa e promé nivel nan ta kontrolá bo kontestanan i dokumentunan riba distansia, pa e di dos nivel un ouditoria ta tuma lugá via un konekshon di video, pa e di tres nivel nan ta kontrolá bo empresa kaminda e ta situá.
Pa bini na remarke pa e di tres nivel bo mester a kompletá e Sertifikashon Blue Destination kaba ku por lo ménos dos strea.
- 1. Virus-Aware Committed
- 2. Virus-Aware Checked
- 3. Virus-Aware Certified
