Kua ta e
Kriterionan
Tira un bista akinan pa wak kiko bo empresa tin ku kumpli kuné.
Kua ta e kriterionan ku mi empresa tin ku kumpli kuné?
E Sertifikashon Blue Destination ta enfoká den e sentido mas amplio riba ‘hasi bon’ pa Boneiru. E kriterionan ta repartí den e 12 temanan akí bou.
- Kompra i benta
- Bienestar sosial i empleo lokal
- Evitá abuso
- Salú i siguridat
- Aksesibilidat
- Energia i klima
- Desperdisio
- Awa
- Evitá kontaminashon i molèster
- Naturalesa i paisahe
- Patrimonio kultural
- Transparensia
Wak tur kriterio
En total tin 57 kriterio general ku ta konta pa tur empresa. Banda di esakinan tin kriterionan spesífiko pa kada sektor. Esaki pasobra kada sektor tin di haber ku otro retonan i posibilidatnan.
Te ku awor a desaroyá kriterionan spesífiko pa sektor pa: hotèl, restorant i bar, skol di buseo, kompania di hür outo i ofisina ku ta duna servisio. A hasi e eskohonan akí a base di e nesesidatnan te ku awor. Tambe si bo empresa ta pertenesé na un otro sektor, bo por registrá bo mes. E sistema di sertifikashon ta krese pareu ku e demanda for di mundu empresarial lokal.
Registrá bo empresa
Registrá bo empresa òf organisashon direktamente akinan pa e Sertifikashon Blue Destination (i e Virus Aware Seal). Despues di bo registrashon Kámara di Komèrsio mas rápido posibel ta tuma kontakto ku bo.