kolaboradó
Blue Destination
E konsepto di Blue Destination den un forma sostenibel ta hasi uso di e rekursonan di oséano pa kresementu, bienestar i trabou i alabes ta protehá salú di e ekosistema di oséano.’ (Tourism Corporation Bonaire, 2017)
Ròl di Kámara di Komèrsio Boneiru pa loke ta trata Sertifikashon Blue Destination
Kiko ta e ròl di Kámara di Komèrsio Boneiru den e proseso di Sertifikashon Blue Destination? Kámara di Komèrsio Boneiru ta miembro di e grupo di direkshon Blue Destination. Dia 8 di yüni 2018 a lanta Blue Destination ku komo meta pa engrandesé konsientisashon pa loke ta trata desaroyo sostenibel i di e manera akí salbaguardá naturalesa, kultura i patrimonio i promové desaroyo ekonómiko. E otro miembronan di e grupo di direkshon ta TCB, BONHATA, Stinapa i Entidat Públiko Boneiru-SKAL.
Kámara di Komèrsio ta aktua komo bali (front office) pa e Sertifikashon Blue Destination i tin maneho di e wèpsait i tur medionan sosial enbolbí.
