Kon e ta funshoná pa mi
Empresa
Wak akinan kon bo por partisipá.
Kon e ta funshoná?
Partisipashon ta simpel. Sigui e pasonan akí bou òf tuma kontakto ku nos pa pregunta.
Registrá: Bo por registrá bo empresa mesora pa sertifikashon. Bo registrashon ta drenta serka Kámara di Komèrsio i Industria Boneiru. Nan ta tuma kontakto ku bo i ta referí bo na Green Destinations.
Raportá: Despues di a finalisá bo registrashon, bo ta haña informashon pa log in pa un plataforma online. Riba e plataforma akí bo mes ta yena kon bo empresa ta skor pa kada kriterio. Bo ta añadí potrèt i dokumentu komo prueba.
Evaluashon: Un tim di eksperto di nos partner internashonal Green Destinations ta evaluá e informashon ku bo a entregá. Bo ta risibí fitbèk riba e promé posibel puntonan di mehorashon i bo ta duna eventual informashon adishonal.
Ouditoria: Si for di e evaluashon resultá ku bo empresa ta kumpli ku 70% òf mas di e kriterionan, un ouditor independiente ta bishitá bo empresa pa kontròl. Esaki por na bo empresa mes, òf via un konekshon di video.
Sertifikashon: Despues di konseho a base di e ouditoria, e tim di eksperto ta disidí tokante e skor final. Kuantu strea bo empresa ta haña ta dependé di e porsentahe di kriterio ku bo empresa ta kumpli kuné.
1 STREA: Skor di por lo ménos 50%, a base di e kontestanan i dokumentunan entregá.
2 STREA: Skor di por lo ménos 75%, kontrolá den un ouditoria.
3 STREA: Skor di por lo ménos 95%, kontrolá den un ouditoria.
4 STREA: Skor di por lo ménos 75% di e 14 èkstra kriterionan, kontrolá den un ouditoria.
5 STREA:Skor di por lo ménos 95% di e 14 èkstra kriterionan, kontrolá den un ouditoria.
No ta sufisiente ainda? Bai komo empresa pa 4 òf 5 strea
Banda di e sertifikashon deskribí nos ta ofresé empresanan sertifikashon a base di e norma kompleto di GSTC. GSTC ta para pa Global Sustainable Tourism Council i e kriterionan di GSTC ta sirbi komo un norma rekonosé mundialmente pa sostenibilidat dentro di e sektor di biahe. Den komparashon ku e Sertifikashon Blue Destination regular ta añadí 14 kriterio èkstra. Esaki ta ofresé empresanan ku ya kaba tin eksperensia amplio riba tereno di sostenibilidat e posibilidat pa hasi e siguiente paso.
Pa mas informashon tokante e sertifikashon di 4 i 5 strea, wak riba wèpsait di nos partner Good Travel Guide òf tuma kontakto ku Kámara di Komèrsio i Industria Boneiru.
Registrá bo empresa
Registrá bo empresa òf organisashon direktamente akinan pa e Sertifikashon Blue Destination (i e Virus Aware Seal). Despues di bo registrashon Kámara di Komèrsio mas rápido posibel ta tuma kontakto ku bo.