Tokante
Blue Destination
“E konsepto di Blue Destination ta hasi uso sostenibel di rekursonan di oséano pa kresementu, bienestar i trabou í ta protehá salú di e ekosistema di océano,” (Tourism Corporation Bonaire, 2017)
Kiko ta Blue Destination?
Boneiru komo Blue Destination ta boga pa e sinergia perfekto entre naturalesa, kultura i ekonomia. Kaminda nos ta protehá i alabes utilisá e rekursonan natural, manera e oséano ku ta rondoná nos isla. Boneiru komo Blue Destination ta krea un identidat i eksperensia úniko, ku ta distinguí Boneiru for di otro islanan karibense. Blue Destination ta proklamá loke Boneiru ta para p’é i ta yuda atraé bishitantenan ku ta kompartí e balornan akí. Abo ta Blue kaba?
Bira blou bo tambe
Mundu empresarial na Boneiru ta un di e forsanan impulsor tras di Blue Destination. E Sertifikashon Blue Destination ta un sistema di sertifikashon pa yuda empresanan lokal hasi negoshi den un forma mas sostenibel i mas sosial. Pa medio di e sertifikashon bo ta haña bista riba tur loke bo empresa ta hasi kaba pa medio ambiente, naturalesa i komunidat i riba kua tereno mehorashon ta posibel. Ku esaki bo por atraé kliente i inspirá otronan pa nan tambe kontribuí ku nan granito. Lesa akinan mas tokante e bentahanan di sertifikashon empresarial.
Registrá bo empresa
Registrá bo empresa òf organisashon direktamente akinan pa e Sertifikashon Blue Destination (i e Virus Aware Seal). Despues di bo registrashon Kámara di Komèrsio mas rápido posibel ta tuma kontakto ku bo.
Kiko ta hasi Boneiru Blue?
E awa blou ku ta rondoná Boneiru ta un presioso bèkgrount pa hopi potrèt di vakansi. Pero, Boneiru sa pa hopi tempu kaba ku oséano ta hopi mas importante ku esei so. Oséano ta suministrá oksígeno, e ta apsorbé CO2 i e ta duna nos di kome. Oséano no ta para su so sentral den naturalesa. Boneiru su kultura i ekonomia tambe tin un laso estrecho ku laman.
Naturalesa
E Bonaire National Marine Park ku nan a instituí na aña 1979 ta e parke marino mas bieu na mundu. E parke ta rondoná henter nos isla i e ta protehá ref di koral, yerba di laman, palu di mangel i otro tipo di bida bou di laman. Na aña 2001 a añadí Klein Bonaire na e área ku ta legalmente protehá. Durante e dékada tras di lomba a logra progreso grandi ku rekuperashon di nos refnan di koral i for di aña 2021 ta prohibí pa hasi uso di krema dañino kontra solo. Entrante 1 di yüni 2022 un prohibishon di plèstik desechabel ta na vigor. Tur deportista akuátiko ta aportá na preservashon di naturalesa pa medio di kumpra e ‘nature tag’. Un sistema úniko kaminda e usuario ta kontribuí na mantenshon i preservashon di naturalesa.
Kultura
E koló blou di laman ta parti di nos bandera i di historia i identidat di Boneiru. Den músika, baile, arte i kuminda e importansia di oséano ta bini dilanti. Turismo por duna un impulso na kultura i tradishon. Promové loke ta importante pa Boneiru ta yuda pa rekonfirmá e identidat propio i pasa esaki pa otro. Esaki ta aportá na konekshon mutuo i ta stimulá kolaborashon.
Ekonomia
Dentro di un asina yamá ‘ekonomia blou’ ta usa oséano komo rekurso natural pa kresementu ekonómiko, mehorashon di bienestar, kreamentu di trabou i pa protekshon di e mesun rekursonan natural (World Bank, 2018). Naturalmente Boneiru ta aspirá esaki. Ekonomia di nos isla pa un gran parti ta basá riba turismo. Éksito di e sektor akí ta dependé di státùs di nos naturalesa i nos kultura. Lesa akinan kon diferente empresa sertifiká na Boneiru ta aportá ku nan granito.
