Djasabra 17 di aprel, Kámara di Komersio i Indústria di Boneiru (KvK) a entrega e prestigioso sertifikado Blue Destination ku 3 strea na dos lokashon bunita riba e isla.

Hamlet Oasis, konosí pa su slogan invitante “Bon bini na e oasis mas trankilo di Boneiru,” a risibí e sertifikado ku gran orgullo.

Belnem House Bonaire – Boutique Resort, un resort eksklusivo, adult-friendly i total off-grid kaminda pas, komfort i sostenibilidat ta uni hunto, tambe a risibí e rekonosimentu di 3 strea di Blue Destination.

E konsepto di Blue Destination ta representá un uzo sostenibel di e rikeza di nos laman pa stimula kresimentu ekonómiko, bienestar i empleo, mientras ta protegé aktivamente salú di e ekosistema marino. E sertifikado aki ta pone énfasis riba e kompromiso di negoshonan na Boneiru pa opera di manera konsiente, ku un bishon pa futuro i den armonia ku natura.

Ku e sertifikado aki, Hamlet Oasis i Belnem House Bonaire ta demostrá nan dedikashon na turismo sostenibel i nan kontribushon pa un futuro duradero i verdemente berdè pa e isla.

Pa mas informashon tokante Blue Destination, bishita e website: www.bluedestination.com.Of manda un email na bis@kvkbonaire.com . Bo por tambe yama 7175595