Awe ta un dia spesial pa Boneiru. Despues di un periodo largu, Kámara di Komèrsio i Industria Boneiru (KvK) un biaha mas a hasi entrega di un sertifikado. E honor akí a bai pa Bonaire Landsailing Adventures, ku a logra e skor máksimo di no ménos ku sinku (5) strea.
Bonaire Landsailing Adventures, ku ta situá na Kaminda di Rincon pegá ku Arawak na e parti ost di Boneiru, ta ofresé plaser di blokart ‘landsailing’ ku no ta dañino pa medio ambiente, riba un pista trahá na midí. E aventura úniko akí ta tuma lugá na e kosta bunita, brabu i yen di bientu na e parti ost di Boneiru i ta konektá perfektamente ku e pensamentu di Blue Destination di nos isla.
Boneiru su aspirashon komo Blue Destination ta pa logra un ekilibrio perfekto entre naturalesa, kultura i ekonomia. E aña akí Kámara di Komèrsio a skohe e filosofia akí komo un di su puntonan di lansa, ku kua sostenibilidat i inovashon ta para sentral. Kámara di Komèrsio ta funshoná komo ‘front office’ pa sostené i pa hasi petishon pa e sertifikadonan di Blue Destination.
Na nòmber di Tourism Corporation Bonaire (TCB) i BONHATA, Kámara di Komèrsio ta felisitá Bonaire Landsailing Adventures kordialmente ku e presentashon eksepshonal akí.
Pa mas informashon tokante Blue Destination bo por bishitá e wèpsait www.bluedestination.com. Pa pregunta bo por tuma kontakto ku Kámara di Komèrsio via e number di telefòn 717 – 5595 òf manda un email na bis@kvkbonaire.com.